Elohim

*אלהים*

Dieses Wort kommt so 680 mal vor in der Tanak.

Esta palabra ocurre asi 680 veces en la Tanak.

This Word occurs like this 680 times in the Tanak.

בראשית 1:1
בראשית ברא אלהים את השמים ואת הארץ

בראשית 1:2
והארץ היתה תהו ובהו וחשך על פני תהום ורוח אלהים מרחפת על פני המים

בראשית 1:3
ויאמר אלהים יהי אור ויהי אור

בראשית 1:4
וירא אלהים את האור כי טוב ויבדל אלהים בין האור ובין החשך

בראשית 1:5
ויקרא אלהים לאור יום ולחשך קרא לילה ויהי ערב ויהי בקר יום אחד

בראשית 1:6
ויאמר אלהים יהי רקיע בתוך המים ויהי מבדיל בין מים למים

בראשית 1:7
ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן

בראשית 1:8
ויקרא אלהים לרקיע שמים ויהי ערב ויהי בקר יום שני

בראשית 1:9
ויאמר אלהים יקוו המים מתחת השמים אל מקום אחד ותראה היבשה ויהי כן

בראשית 1:10
ויקרא אלהים ליבשה ארץ ולמקוה המים קרא ימים וירא אלהים כי טוב

בראשית 1:11
ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן

בראשית 1:12
ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב

בראשית 1:14
ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים

בראשית 1:16
ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכבים

בראשית 1:17
ויתן אתם אלהים ברקיע השמים להאיר על הארץ

בראשית 1:18
ולמשל ביום ובלילה ולהבדיל בין האור ובין החשך וירא אלהים כי טוב

בראשית 1:20
ויאמר אלהים ישרצו המים שרץ נפש חיה ועוף יעופף על הארץ על פני רקיע השמים

בראשית 1:21
ויברא אלהים את התנינם הגדלים ואת כל נפש החיה הרמשת אשר שרצו המים למינהם ואת כל עוף כנף למינהו וירא אלהים כי טוב

בראשית 1:22
ויברך אתם אלהים לאמר פרו ורבו ומלאו את המים בימים והעוף ירב בארץ

בראשית 1:24
ויאמר אלהים תוצא הארץ נפש חיה למינה בהמה ורמש וחיתו ארץ למינה ויהי כן

בראשית 1:25
ויעש אלהים את חית הארץ למינה ואת הבהמה למינה ואת כל רמש האדמה למינהו וירא אלהים כי טוב

בראשית 1:26
ויאמר אלהים נעשה אדם בצלמנו כדמותנו וירדו בדגת הים ובעוף השמים ובבהמה ובכל הארץ ובכל הרמש הרמש על הארץ

בראשית 1:27
ויברא אלהים את האדם בצלמו בצלם אלהים ברא אתו זכר ונקבה ברא אתם

בראשית 1:28
ויברך אתם אלהים ויאמר להם אלהים פרו ורבו ומלאו את הארץ וכבשה ורדו בדגת הים ובעוף השמים ובכל חיה הרמשת על הארץ

בראשית 1:29
ויאמר אלהים הנה נתתי לכם את כל עשב זרע זרע אשר על פני כל הארץ ואת כל העץ אשר בו פרי עץ זרע זרע לכם יהיה לאכלה

בראשית 1:31
וירא אלהים את כל אשר עשה והנה טוב מאד ויהי ערב ויהי בקר יום הששי

בראשית 2:2
ויכל אלהים ביום השביעי מלאכתו אשר עשה וישבת ביום השביעי מכל מלאכתו אשר עשה

בראשית 2:3
ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשות

בראשית 2:4
אלה תולדות השמים והארץ בהבראם ביום עשות יהוה אלהים ארץ ושמים

בראשית 2:5
וכל שיח השדה טרם יהיה בארץ וכל עשב השדה טרם יצמח כי לא המטיר יהוה אלהים על הארץ ואדם אין לעבד את האדמה

בראשית 2:7
וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיה

בראשית 2:8
ויטע יהוה אלהים גן בעדן מקדם וישם שם את האדם אשר יצר

בראשית 2:9
ויצמח יהוה אלהים מן האדמה כל עץ נחמד למראה וטוב למאכל ועץ החיים בתוך הגן ועץ הדעת טוב ורע

בראשית 2:15
ויקח יהוה אלהים את האדם וינחהו בגן עדן לעבדה ולשמרה

בראשית 2:16
ויצו יהוה אלהים על האדם לאמר מכל עץ הגן אכל תאכל

בראשית 2:18
ויאמר יהוה אלהים לא טוב היות האדם לבדו אעשה לו עזר כנגדו

בראשית 2:19
ויצר יהוה אלהים מן האדמה כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמו

בראשית 2:21
ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה

בראשית 2:22
ויבן יהוה אלהים את הצלע אשר לקח מן האדם לאשה ויבאה אל האדם

בראשית 3:1
והנחש היה ערום מכל חית השדה אשר עשה יהוה אלהים ויאמר אל האשה אף כי אמר אלהים לא תאכלו מכל עץ הגן

בראשית 3:3
ומפרי העץ אשר בתוך הגן אמר אלהים לא תאכלו ממנו ולא תגעו בו פן תמתון

בראשית 3:5
כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע

בראשית 3:8
וישמעו את קול יהוה אלהים מתהלך בגן לרוח היום ויתחבא האדם ואשתו מפני יהוה אלהים בתוך עץ הגן

בראשית 3:9
ויקרא יהוה אלהים אל האדם ויאמר לו איכה

בראשית 3:13
ויאמר יהוה אלהים לאשה מה זאת עשית ותאמר האשה הנחש השיאני ואכל

בראשית 3:14
ויאמר יהוה אלהים אל הנחש כי עשית זאת ארור אתה מכל הבהמה ומכל חית השדה על גחנך תלך ועפר תאכל כל ימי חייך

בראשית 3:21
ויעש יהוה אלהים לאדם ולאשתו כתנות עור וילבשם

בראשית 3:22
ויאמר יהוה אלהים הן האדם היה כאחד ממנו לדעת טוב ורע ועתה פן ישלח ידו ולקח גם מעץ החיים ואכל וחי לעלם

בראשית 3:23
וישלחהו יהוה אלהים מגן עדן לעבד את האדמה אשר לקח משם

בראשית 4:25
וידע אדם עוד את אשתו ותלד בן ותקרא את שמו שת כי שת לי אלהים זרע אחר תחת הבל כי הרגו קין

בראשית 5:1
זה ספר תולדת אדם ביום ברא אלהים אדם בדמות אלהים עשה אתו

בראשית 5:24
ויתהלך חנוך את האלהים ואיננו כי לקח אתו אלהים

בראשית 6:12
וירא אלהים את הארץ והנה נשחתה כי השחית כל בשר את דרכו על הארץ

בראשית 6:13
ויאמר אלהים לנח קץ כל בשר בא לפני כי מלאה הארץ חמס מפניהם והנני משחיתם את הארץ

בראשית 6:22
ויעש נח ככל אשר צוה אתו אלהים כן עשה

בראשית 7:9
שנים שנים באו אל נח אל התבה זכר ונקבה כאשר צוה אלהים את נח

בראשית 7:16
והבאים זכר ונקבה מכל בשר באו כאשר צוה אתו אלהים ויסגר יהוה בעדו

בראשית 8:1
ויזכר אלהים את נח ואת כל החיה ואת כל הבהמה אשר אתו בתבה ויעבר אלהים רוח על הארץ וישכו המים

בראשית 8:15
וידבר אלהים אל נח לאמר

בראשית 9:1
ויברך אלהים את נח ואת בניו ויאמר להם פרו ורבו ומלאו את הארץ

בראשית 9:6
שפך דם האדם באדם דמו ישפך כי בצלם אלהים עשה את האדם

בראשית 9:8
ויאמר אלהים אל נח ואל בניו אתו לאמר

בראשית 9:12
ויאמר אלהים זאת אות הברית אשר אני נתן ביני וביניכם ובין כל נפש חיה אשר אתכם לדרת עולם

בראשית 9:16
והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ

בראשית 9:17
ויאמר אלהים אל נח זאת אות הברית אשר הקמתי ביני ובין כל בשר אשר על הארץ

בראשית 9:27
יפת אלהים ליפת וישכן באהלי שם ויהי כנען עבד למו

בראשית 17:3
ויפל אברם על פניו וידבר אתו אלהים לאמר

בראשית 17:9
ויאמר אלהים אל אברהם ואתה את בריתי תשמר אתה וזרעך אחריך לדרתם

בראשית 17:15
ויאמר אלהים אל אברהם שרי אשתך לא תקרא את שמה שרי כי שרה שמה

בראשית 17:19
ויאמר אלהים אבל שרה אשתך ילדת לך בן וקראת את שמו יצחק והקמתי את בריתי אתו לברית עולם לזרעו אחריו

בראשית 17:22
ויכל לדבר אתו ויעל אלהים מעל אברהם

בראשית 17:23
ויקח אברהם את ישמעאל בנו ואת כל ילידי ביתו ואת כל מקנת כספו כל זכר באנשי בית אברהם וימל את בשר ערלתם בעצם היום הזה כאשר דבר אתו אלהים

בראשית 19:29
ויהי בשחת אלהים את ערי הככר ויזכר אלהים את אברהם וישלח את לוט מתוך ההפכה בהפך את הערים אשר ישב בהן לוט

בראשית 20:3
ויבא אלהים אל אבימלך בחלום הלילה ויאמר לו הנך מת על האשה אשר לקחת והוא בעלת בעל

בראשית 20:11
ויאמר אברהם כי אמרתי רק אין יראת אלהים במקום הזה והרגוני על דבר אשתי

בראשית 20:13
ויהי כאשר התעו אתי אלהים מבית אבי ואמר לה זה חסדך אשר תעשי עמדי אל כל המקום אשר נבוא שמה אמרי לי אחי הוא

בראשית 20:17
ויתפלל אברהם אל האלהים וירפא אלהים את אבימלך ואת אשתו ואמהתיו וילדו

בראשית 21:2
ותהר ותלד שרה לאברהם בן לזקניו למועד אשר דבר אתו אלהים

בראשית 21:4
וימל אברהם את יצחק בנו בן שמנת ימים כאשר צוה אתו אלהים

בראשית 21:6
ותאמר שרה צחק עשה לי אלהים כל השמע יצחק לי

בראשית 21:12
ויאמר אלהים אל אברהם אל ירע בעיניך על הנער ועל אמתך כל אשר תאמר אליך שרה שמע בקלה כי ביצחק יקרא לך זרע

בראשית 21:17
וישמע אלהים את קול הנער ויקרא מלאך אלהים אל הגר מן השמים ויאמר לה מה לך הגר אל תיראי כי שמע אלהים אל קול הנער באשר הוא שם

בראשית 21:19
ויפקח אלהים את עיניה ותרא באר מים ותלך ותמלא את החמת מים ותשק את הנער

בראשית 21:20
ויהי אלהים את הנער ויגדל וישב במדבר ויהי רבה קשת

בראשית 21:22
ויהי בעת ההוא ויאמר אבימלך ופיכל שר צבאו אל אברהם לאמר אלהים עמך בכל אשר אתה עשה

בראשית 22:8
ויאמר אברהם אלהים יראה לו השה לעלה בני וילכו שניהם יחדו